PDSH akuzon BDI-në, për ceremoninë serbe në Kumanovë
Deputeti i PDSH-së, Orhan Ibrahimi ka drejtuar kritika në adresë të BDI-së lidhur me ceremoninë serbe në Kumanovë për shënimin e Luftës së Parë Ballkanike. “Dje pasardhësit e Milosevicit dhe Seselit, Nikolici dhe Dacici,të ftuar nga BDI, erdhën dhe na kujtuan gjenocidin dhe shpërnguljen e dhjetëra mijëra shqiptarëve nga trojet e tyre etnike ndër të cilat Kosovë, Maqedoni dhe Shqipërinë veriore. BDI u lejoi vrasësve serb të defilojnë në vendbanimet shqiptare me marrëveshjen për bashkëpunim policor mes Republikës së Maqedonisë dhe Serbisë, kurse dje u mundësoi të festojnë masakrën ndaj dhjetëra mijë shqiptarëve”, tha Ibrahimi, transmeton INA.
“Sa u përket mesazheve shoviniste dhe fashisoide ua përkujtojmë amanetin e stërgjyshërve të tyre kush nuk e din se çfarë është vuajtja që dhemb, le ta kaloj Shqipërinë në këmbë”, tha Ibrahimi. /Telegrafi/
