Përmbyllet projekti “Standardet të BE-së për MD-në”

14:58 / 13.12.2012

Është mbajtur ceremonia e përmbylljes së projektit të binjakëzimit, i financuar nga BE-ja “Standardet e BE-së për Ministrinë e Drejtësisë në Kosovë”, ndërkaq, Zyra e BE-së në Kosovë do të vazhdojë përkrahjen e saj për MD-në, me projektin e ri të binjakëzimit i cili do të fillojë në vitin 2013 e që do të përqendrohet në bashkëpunimin ligjor ndërkombëtar.

Projekti “Standardet e BE-së për Ministrinë e Drejtësisë në Kosovë” përgjatë 40 muajve të fundit është përqendruar në përmirësimin e kapaciteteve profesionale në MD, duke shtuar zgjidhjen alternative të kontesteve dhe duke mbështetur zvogëlimin e lëndëve në pritje në gjykatën civile.

Zyrtarët nga Gjermania, Austria, Sllovenia dhe shtetet tjera anëtare të BE-së kanë punuar së bashku me kolegët e tyre të Kosovës.

“Është përfshirë mjaft shumë në trajnimin e ndërmjetësuesve të ardhshëm dhe atyre tashmë të certifikuar. Për të mbështetur shërbimet korrektuese dhe provuese të Kosovës janë organizuar punëtori dhe janë hartuar materiale për performancën e tanishme të kryerjes së detyrave. Në fund, janë trajnuar gjyqtarë me pikëpamjet se si të zvogëlohet numri i lëndëve në pritje në gjykatat civile”, thuhet në kumtesë.

Zyra e BE-së në Kosovë do të vazhdojë përkrahjen e saj për Ministrinë e Drejtësisë me projektin e ri të binjakëzimit, i cili do të fillojë në vitin 2013 i cili përqendrohet në bashkëpunimin ligjor ndërkombëtar. /Telegrafi/

 

Komente

Vërejtje:
Telegrafi ka ofruar gjithmonë hapësirë të lire për komentime dhe për diskutim, me qëllimin e mirë të nxitjes së debateve. Por, për shkak të disa komentuesve të papërgjegjshëm, që keqpërdorin këtë mundësi, kemi vendosur ta ndryshojmë qasjen drejt komentimit të lajmeve. Tash e tutje, komentuesit në rubrikat "Lajme" dhe "Ekonomi", profilin e tyre duhet ta autorizojnë me email valid.

Çdo përdorues, në panelin "Settings" duhet të vendos emailin valid, e pastaj të kërkojë që në atë adresë elektronike t'i dërgohet linku për aprovim. Ky link duhet të klikohet, që të autorizohet profili përmes të cilit mund të komentoni.