Plagos rivalin që ia mori ish-të dashurën
Xhelozia e ka shtyrë një 29-vjeçar të qëllojë me armë zjarri ndaj rivalit të tij në dashuri, por është arrestuar për tentativë vrasjeje.Ndonëse ishte ndarë nga e dashura, i riu me inicialet M. G. është bërë xheloz për lidhjen e re që kishte krijuar vajza. Nisur nga ky fakt, ka shkuar në banesën e saj dhe ka goditur me armë zjarri rivalin e tij, raporton NOA.
Një 29-vjeçar italian, me inicialet M. G., ka hyrë në banesën e vajzës shqiptare, 22-vjeçares me inicialet J. N., e cila në ato momente ndodhej në shoqërinë e një tjetër mashkulli.
Nisur nga kjo situatë, ish i dashuri ka qëlluar me armë zjarri në drejtim të mikut të vajzës shqiptare, Ganan Murillo Diego Ivan, duke e plagosur këtë të fundit në krah.
Ngjarja sipas mediave italiane ka ndodhur mbrëmjen e së shtunës për arsye xhelozie. 29-vjeçari është arrestuar nga policia italiane dhe akuzohet për tentativë vrasjeje. Arma është sekuestruar nga policia italiane së bashku me një tjetër pistoletë. /Telegrafi/
