Plagoset nga plumbi "qorr"
Një 16 vjeçar nga fshati Vojnovc i Shtimes ka qenë cak i një plumbi "qorr" që ka ardhur nga një aheng familjar, ka njoftuar policia e Ferizajt. Viktima që është plagosur në këmbë, nga familjarët është dërguar në QKUK për trajtim mjekësor..Shefi i Operativës Rajonale, kapiten Basri Shabani, ka thënë se viktima është jashtë rrezikut për jetë.
"Njësitet përkatëse policore të Stacionit Policor të Shtimes, gjatë procedurës hetimore, jo larg vendit të ngjarjes kanë gjetur një gëzhojë, e cila dyshohet të jetë e kalibrit 7.62. Informatat e para tregojnë se, i riu i plagosur ishte viktimë e të shtënave të pakontrolluara të cilat edhe më tutje janë duke ndodhur nëpër dasma dhe ahengje të ndryshme", ka thënë Shabani.
Bëhet e ditur se njësitet përkatëse policore janë duke punuar në zbardhjen e këtij rasti. /Telegrafi/
