Plagosje me armë në një lokal të Tiranës
Një person është plagosur me armë zjarri sot rreth orës 16:45 minuta në Tiranë. Policia bëri të ditur se shtetasi Alfred Biba, 35 vjeç me origjinë nga Puka është qëlluar me armë zjarri në vendin e njohur si Liqeni i Thatë, tek zona e Parkut të Liqenit Artificial në kryeqytet. Biba ishte në lokal në momentin qe është qëlluar me armë nga disa persona.
Sipas bluve të Tiranës, autorët kanë përfituar nga errësira dhe janë larguar me një automjet në drejtim të Komunës së Parisit, transmeton BW.
Për të kapur personat që tentuan vrasjen e Bibës janë ngritur postblloqe në hyrje dhe dalje të Tiranës si dhe në gatishmëri janë ngritur dhe strukturat e policisë së Durrësit dhe Tiranës. /Telegrafi/
