Poliçan, i preu kokën vrasësit të vëllait
Gjykata e Beratit ka dhënë sot masën e arrestit burg pa afat për Kushtrim Gurin, personin që masakroi kufomën e vrasësit të vëllait në Poliçian, pak ditë më parë.Ngjarja e rëndë tronditi mbarë opinionin publik, ndërkohë që arrestimi i tij u krye një ditë pas krimit.
Ndërkohë, që sot, pala mbrojtëse ka deklaruar në sallën e gjyqit se akti makabër është bërë në kushte të rënda depresioni.
Ngjarja e rëndë ndodhi mëngjesin e 6 gushtit në Uzinën e Armëve në Poliçan, kur roja i uzinës qëlloi për vdekje me armë zjarri, shefin e sigurimit teknik në repartin e uzinës, Vladimir Gurin, e më pas vrau edhe veten. Shkak për këtë janë bërë dyshimet e rojës për një lidhje jashtëmartesore të gruas së tij me viktimën Guri, transmeton BW.
Pas vrasjes, vëllai i shefit të sigurimit teknik ka dhunuar kufomën e rojës, duke i prerë atij gjymtyrët dhe kokën në shenjë hakmarrje. /Telegrafi/
