Policia arrestoi “Qapellën” nga grupi i Sekiraqës
Policia ka arrestuar një nga anëtarët e grupit Sekiraqa, Florim Fazliun, i njohur ndryshe me nofkën “Qapella”. Arrestimi është kryer sot në mesditë (rreth orës 12:00) nga Divizioni kundër krimit të organizuar i Policisë së Kosovës.Sipas policisë i arrestuari ka qenë i përfshirë në kryerjen e disa veprave penale si shkaktim i rrezikut të përgjithshëm, tentim për lëndim trupor etj.
“Policia posedon të dhëna që personin e arrestuar e identifikojnë si pjesëmarrës në kryerjen e shumë veprave penale në kuadër të grupit të ashtuquajtur Sekiraqa”, thuhet në njoftimin e policisë.
Sipas njoftimit, personi i arrestuar ka qenë person i shpallur në kërkim sipas letër-rreshtimit nga Gjykata e Qarkut në Prishtinë dhe atë që nga viti 2011.
I dyshuari tashmë i arrestuar do të dërgohet para gjyqtarit të procedurës paraprake për procedurat e mëtutjeshme gjyqësore. /Telegrafi/
