Policia sekuestron 196 kg drogë

16:58 / 1.12.2012

Policia e Gjirokastrës vijon të sekuestrojë sasi të konsiderueshme droge që del nga Lazarati. Mbrëmjen e së premtes patrulla e policisë ndoqi një automjet pa targa, që sapo kishte dalë nga Lazarati, dhe pas kontrollit zbuloi në të 196.4 kg marihuanë.

Mësohet se drejtuesi i mjetit nuk i është bindur urdhrit të policisë për tu ndalur, por ka tentuar të largohet, por vetura i është fikur në rrugë dhe më pas është larguar këmbë me shpejtësi, duke përfituar nga errësira.

Policia ka bërë të mundur identifikimin e tij, ndërkohë që ka nisur hetimet për të zbuluar persona të tjerë të përfshirë në trafikun e drogës, raporton BË.

Ndërkaq, pak orë më vonë, persona të panjohur dogjën veturën e njërit prej specialistëve të antidrogës që morën pjesë në operacion. Dyshohet se autorët kanë lidhje me drogën e sekuestruar në mbrëmje. /Telegrafi/
 

Komente

Vërejtje:
Telegrafi ka ofruar gjithmonë hapësirë të lire për komentime dhe për diskutim, me qëllimin e mirë të nxitjes së debateve. Por, për shkak të disa komentuesve të papërgjegjshëm, që keqpërdorin këtë mundësi, kemi vendosur ta ndryshojmë qasjen drejt komentimit të lajmeve. Tash e tutje, komentuesit në rubrikat "Lajme" dhe "Ekonomi", profilin e tyre duhet ta autorizojnë me email valid.

Çdo përdorues, në panelin "Settings" duhet të vendos emailin valid, e pastaj të kërkojë që në atë adresë elektronike t'i dërgohet linku për aprovim. Ky link duhet të klikohet, që të autorizohet profili përmes të cilit mund të komentoni.