Policia serbe e “shpëton” nga vetëvrasja një kosovar
Pas dy orë e gjysmë përpjekjesh, policia në Beograd ka arritur të bindë 35 vjeçarin Ames Nedin, të heq dorë nga vetëvrasja, nga ndërtesa e Gjeneralshtabit serb, prej nga kishte kërcënuar se do të kërcente nëse një borxhli i quajtur Bojan Radovanovic nuk ia kthen të hollat. “Ai tash një kohë të gjatë jeton këtu me familje dhe problemi është se firma ku ka punuar i ka borxh disa rroga, për ç’arsye është në gjendje të rëndë materiale”, tha një police që ishte në ekipin negociator për ta bindur që të zbret nga ndërtesa.
Sipas gazetës Blic, ky njeri që është prezantuar si Almes Nedin nga Prishtina, ia ka dalë të futet i pavërejtur në ndërtesë, të ngjitet në katin e gjashtë, të thyejë një derë dhe të dalë në tarracë, transmeton Koha.net.
Gazeta madje thotë për të se është shqiptar i Kosovës.
Policia serbe po përpiqet të konstatojë nëse borxhliu Bojan Radovanovic është po ai person, i cili në emisionin e paradokohshëm “Insajder” të TV B92 u përmend si ndërmjetës në blerjen e shtëpive të shqiptarëve në veri të Kosovës me para nga buxheti i shtetit serb. /Telegrafi/
