Policia sërish përleshet me demonstrues në Nju Delhi

13:18 / 23.12.2012

Për të dytën ditë me radhë, policia në kryeqytetin e Indisë, Nju Delhi, ka përdorë topa uji dhe shkopinj për t’i shpërndarë protestuesit, të cilët janë të tmerruar me dhunimin dhe rrahjen brutale të një studenteje 23 vjeçare, më 16 dhjetor

Protestuesit po kërkojnë dënim me vdekje për gjashtë personat e akuzuar për dhunim grupor të vajzës, të cilën pastaj së bashku me dashnorin e saj i kanë hedhur nga autobusi në shpejtësi të plotë.

Vajza, që është në gjendje serioze shëndetësore në një spital në Nju Delhi, ka filluar t’ia tregoj policisë përvojën e saj tejet të hidhur.

Një grup i protestuesve gjatë natës kishte qëndruar në kampin e improvizuar afër rezidencës së lideres së Partisë së Kongresit në qeveri, Sonja Gandi.

Ministri i brendshëm, Sushil Kumar Shinde, tha sot se qeveria do ta shqyrtoj mundësinë e propozimit të dënimit me vdekje për “rastet më të rralla dhunimeve”. /Telegrafi/
 

Komente

Vërejtje:
Telegrafi ka ofruar gjithmonë hapësirë të lire për komentime dhe për diskutim, me qëllimin e mirë të nxitjes së debateve. Por, për shkak të disa komentuesve të papërgjegjshëm, që keqpërdorin këtë mundësi, kemi vendosur ta ndryshojmë qasjen drejt komentimit të lajmeve. Tash e tutje, komentuesit në rubrikat "Lajme" dhe "Ekonomi", profilin e tyre duhet ta autorizojnë me email valid.

Çdo përdorues, në panelin "Settings" duhet të vendos emailin valid, e pastaj të kërkojë që në atë adresë elektronike t'i dërgohet linku për aprovim. Ky link duhet të klikohet, që të autorizohet profili përmes të cilit mund të komentoni.