Pranimi i Kosovës, kusht për Serbinë

17:01 / 13.02.2013

Pranimi i shtetësisë së Kosovës mund të jetë parakusht për integrimet evropiane të Serbisë edhe pse kjo ende nuk është përmendur zyrtarisht, ka thënë shefja e Këshillit për Punë të Jashtme në Parlamentin e Francës, Elizabet Gig.

Gig ka thënë se Franca do të insistojë në përparim të mëtutjeshëm të dialogut ndërmjet Beogradit dhe Prishtinës dhe kujdesshëm përcjell zhvillimet në teren, megjithatë nëse nuk arrihet asgjë nga kjo, para Serbisë mund të parashtrohet një kusht i ri – pranimi i pavarësisë së Kosovës, raportojnë mediat serbe.

“Ky nuk është kusht zyrtar, por është mjaft i rëndësishëm. Do të dëshiroja të potencojë që ekziston mundësia që ky të jetë kusht, nëse marrëdhëniet ndërmjet Kosovës dhe Serbisë deri në fund nuk normalizohen. Hapat e parë janë bërë dhe kjo është e mrekullueshme por marrëveshjet do të duhet të zbatohen në teren. Kjo është më e rëndësishme. Krahas kësaj vijnë edhe kushtet standarde, të cilat duhet të përmbush secili vend. Pra, mund të ndodhë që edhe pranimi të jetë kusht”, ka thënë Gig. /Telegrafi/
 

Komente

Vërejtje:
Telegrafi ka ofruar gjithmonë hapësirë të lire për komentime dhe për diskutim, me qëllimin e mirë të nxitjes së debateve. Por, për shkak të disa komentuesve të papërgjegjshëm, që keqpërdorin këtë mundësi, kemi vendosur ta ndryshojmë qasjen drejt komentimit të lajmeve. Tash e tutje, komentuesit në rubrikat "Lajme" dhe "Ekonomi", profilin e tyre duhet ta autorizojnë me email valid.

Çdo përdorues, në panelin "Settings" duhet të vendos emailin valid, e pastaj të kërkojë që në atë adresë elektronike t'i dërgohet linku për aprovim. Ky link duhet të klikohet, që të autorizohet profili përmes të cilit mund të komentoni.