Premtimi i Beninit për njohjen e Kosovës
Gjatë qëndrimit të tij në New York, zëvendëskryeministri Behgjet Pacolli ka takuar presidentin e Beninit, Yayi Boni, njëherësh kryesues i Unionit Afrikan. Në një bisedë shumë miqësore, zëvendëskryeministri Pacolli falënderoi presidentin Boni për angazhimin e tij personal dhe të shtetit të tij në drejtim të njohjeve të reja për Republikën e Kosovës.
“Në këtë kontekst, zëvendëskryeministri Pacolli, mori premtimin nga presidenti Boni për vazhdim të përkrahjes deri në përmbylljen e procesit të njohjes së Kosovës nga të gjitha vendet afrikane”, thuhet në njoftimin e zyrës për informim të zëvendëskryeministrit Pacolli.
Sipas agjendës, zëvendëskryeministri Pacolli do të zhvillojë takime me delegacionet e Ganës, Domenicas, Lesothos etj. /Telegrafi/
