Presidenti i Egjiptit premton se shumë shpejt do ta njohë Kosovën

15:11 / 7.02.2013

Kryeministri i Republikës së Kosovës, Hashim Thaçi, gjatë ditës së dytë të vizitës zyrtare në Kajro ka vazhduar takimet me liderë të vendeve të ndryshme të Organizatës së Bashkëpunimit Islamik (OIC).

Thaçi në një takim me presidentin e Republikës Arabe të Egjiptit, Mohamed Morsi, u fokusua kryesisht në çështjen e njohjes së Republikës së Kosovës nga Egjipti.

Presidenti Morsi premtoi se Republika Arabe e Egjiptit do ta njohë Republikën e Kosovës shumë shpejtë.

Në këtë takim në mes të tjerash është diskutuar edhe për thellimin e marrëdhënieve bilaterale në mes të shtetit të Kosovës dhe atij të Egjiptit.

Kryeministri Thaçi në këtë takim ishte i shoqëruar edhe nga ministri i Punëve të Jashtme të Kosovës, Enver Hoxhaj, ndërsa presidenti Morsi nga ministri i Punëve të Jashtme të Egjiptit, Kamel al Amr. /Telegrafi/
 

Komente

Vërejtje:
Telegrafi ka ofruar gjithmonë hapësirë të lire për komentime dhe për diskutim, me qëllimin e mirë të nxitjes së debateve. Por, për shkak të disa komentuesve të papërgjegjshëm, që keqpërdorin këtë mundësi, kemi vendosur ta ndryshojmë qasjen drejt komentimit të lajmeve. Tash e tutje, komentuesit në rubrikat "Lajme" dhe "Ekonomi", profilin e tyre duhet ta autorizojnë me email valid.

Çdo përdorues, në panelin "Settings" duhet të vendos emailin valid, e pastaj të kërkojë që në atë adresë elektronike t'i dërgohet linku për aprovim. Ky link duhet të klikohet, që të autorizohet profili përmes të cilit mund të komentoni.