Pritje të gjata në pikat kufitare me Serbinë

16:40 / 5.01.2013

Automjete të shumta , me targa të shteteve perëndimore të shtetasve kosovarë, edhe gjatë ditës së sotme kanë pritur gjatë në pikat kufitare Merdare dhe Dheu i Bardhë.

Në pikën kufitarë Dheu i Bardhë-Konçul, që lidh Kosovën me Serbinë, po vazhdojnë pritjet e gjata të veturave dhe autobusëve, të cilët presin për të hyrë në Serbi për të udhëtuar drejt shteteve perëndimore.

Kolonat në këtë pikë kufitare arrijnë deri në dy kilometra. Ndërkaq autoritetet e kosovare po i fajësojnë autoritetet serbe për pritjet e gjata ngase, sipas tyre, pala serbe po ngadalëson punën duke i pajisur ngasësit e makinave me vërtetime hyrëse për vetura për të kaluar në territorin e Serbisë.

Policia e Kosovës ka konfirmuar se në pikëkalimet kufitare Merdare dhe Dheu i Bardhë, në mes të Republikës së Kosovës dhe të Serbisë, janë krijuar kolona me pritje të gjata. Sipas tyre këto pritje po zgjasin nga dy deri tri orë.

“Dpartameniti i Policisë Kufitare, saktësisht zyrtaret policor të pikëkalimeve kufitare Merdare dhe Dheu i Bardhë, informojnë se janë krijuar kolona dhe pritje të gjata në dalje nga Republika e Kosovës për në Serbi. Pritjet në këtë kohë në dalje të pikë kalimit kufitar Merdare po zgjasin nga dy deri tri orë, ndërsa në pikëkalimin kufitar Dheu i Bardhë pritjet po zgjasin nga tri deri katër orë dhe kolonat janë të gjata dy deri tri kilometra”, thuhet në njoftimin e Policisë së Kosovës.

Merret vesh se në këtë pikë kufitare nuk janë lehtësuar procedurat për të kaluar kufirin edhe për kundër asaj që në këtë pikë kufitare ka filluar të zbatohet Marrëveshja për Menaxhimin e Integriuar të Kufirit (IBM) 31 dhjetor të vitit 2012. /Telegrafi/
 

Komente

Vërejtje:
Telegrafi ka ofruar gjithmonë hapësirë të lire për komentime dhe për diskutim, me qëllimin e mirë të nxitjes së debateve. Por, për shkak të disa komentuesve të papërgjegjshëm, që keqpërdorin këtë mundësi, kemi vendosur ta ndryshojmë qasjen drejt komentimit të lajmeve. Tash e tutje, komentuesit në rubrikat "Lajme" dhe "Ekonomi", profilin e tyre duhet ta autorizojnë me email valid.

Çdo përdorues, në panelin "Settings" duhet të vendos emailin valid, e pastaj të kërkojë që në atë adresë elektronike t'i dërgohet linku për aprovim. Ky link duhet të klikohet, që të autorizohet profili përmes të cilit mund të komentoni.