Projekte për gratë kosovare

19:52 / 13.02.2013

Dhjetë projekte të organizatave të shoqërisë civile kanë nisur sot zyrtarisht në Kosovë, në praninë e udhëheqësit të Zyrës së Bashkimit Evropian në Prishtinë, Samuel Zbogar, koordinatores për zhvillim të Kombeve të Bashkuara, Osnat Lubrani, dhe udhëheqëses së UN Women projekt zyrës në Kosovë, Flora Macula.

Gjatë ngjarjes, janë prezantuar të dhjetë projektet dhe përfituesit zyrtarisht kanë nënshkruar kontratat e tyre.

“Qëllimi i granteve, të cilat së bashku arrijnë shumën prej 220,000 eurosh, është që të fuqizojë pozitën e grave në Kosovë, në veçanti të sigurojë pjesëmarrjen më të madhe të grave në ndërtimin e paqes dhe planifikimin e post-konfliktit. Grantet janë dhënë si pjesë e projektit të përbashkëta të UN Women, UNDP-së dhe BE-së për gratë, paqen dhe sigurinë...”, thuhet në njoftimin e UN Women.

Zbogar, me këtë rast, ka thënë se “lufta kundër trafikimit të qenieve njerëzore, sigurimi i sjelljes së mirë të policisë dhe sistemit gjyqësor në rastet e dhunës në familje dhe rritja e mëtutjeshme e kapacitetit të përgjithshëm të shoqërisë civile që merret me barazi gjinore dhe të drejtat e grave, janë vetëm disa nga shembujt që tregojnë angazhimin e BE-së ndaj këtyre çështjeve në Kosovë dhe më gjerë”.

Mësohet se në nëntë nga dhjetë projektet marrin pjesë gra të komuniteteve jo-shumicë dhe se ato implementohen në tërë Kosovën. /Telegrafi/
 

Komente

Vërejtje:
Telegrafi ka ofruar gjithmonë hapësirë të lire për komentime dhe për diskutim, me qëllimin e mirë të nxitjes së debateve. Por, për shkak të disa komentuesve të papërgjegjshëm, që keqpërdorin këtë mundësi, kemi vendosur ta ndryshojmë qasjen drejt komentimit të lajmeve. Tash e tutje, komentuesit në rubrikat "Lajme" dhe "Ekonomi", profilin e tyre duhet ta autorizojnë me email valid.

Çdo përdorues, në panelin "Settings" duhet të vendos emailin valid, e pastaj të kërkojë që në atë adresë elektronike t'i dërgohet linku për aprovim. Ky link duhet të klikohet, që të autorizohet profili përmes të cilit mund të komentoni.