PS: Pro referendumit, por të përfshihen dhe katër çështje
Një ditë pas dështimit të votimit në Kuvend për kufizimin e imunitetit ka reaguar edhe Partia Socialiste. Sekretari për koordinim në Partinë Socialiste, Fatmir Xhafaj theksoi të martën në një konferencë për shtyp se Partia Socialiste ka qenë e para që ka hedhur idenë për referendum.
“Të shkohet në referendum por të trajtohen me referendum dhe katër çështje. Imuniteti, reforma në drejtësi, çështja e importit të plehrave dhe ndalimi i marrëveshjes me Greqinë që cenon kufirin shqiptar”, theksoi Xhafaj.
Në një konferencë për shtyp nga selia e PS-së, ai deklaroi se në këtë mënyrë kryeministri fyen sërish shqiptarët, transmeton Bw.
“Berisha gaboi teksa në përpjekje të shpëtojë gomonen e 6 gushtit hodhi në treg salvaxhenten e referendumit. Ideja e referendumit është hedhur nga ana e PS si zgjidhje e arsyeshme në rast të mungesës së konsensusit për amendamentet kushtetuese. Ai tha se do tu drejtohet qytetarëve për imunitetet, hipokrizi e pastër e zakonshme për Berishën”, tha ai. /Telegrafi/
