Qeveria amerikane nuk ka të bëjë asgjë me filmin kundërthënës
Sekretarja amerikane e shtetit, Hillary Clinton, tha të enjten se qeveria amerikane nuk ka të bëjë asgjë me filmin kundërthënës për Profetin Muhamed, i cili ka shkaktuar protesta anti-amerikane në gjithë Lindjen e Mesme.Clinton tha se videoja e publikuar në Internet ishte e neveritshme dhe meriton kritika. Ajo tha se ky film duket se ka qëllim thellësisht cinik, ta denigrojë një religjion të madh dhe të provokoj zemërimin e tij.
Sekretarja amerikane e Shtetit i bëri këto komente pas protestave të reja anti-amerikane në Jemen, Egjipt, Libi, Sudan, Tunizi dhe Iran.
Ndërkohë pas sulmit në Konsullatën amerikane në Bengazi të Libisë, ku u vra ambasadori Christopher Stivens, presidenti amerikan, Barak Obama, ka urdhëruar forcim të sigurisë në të gjitha kapacitet tejoqeanike të Shteteve të Bashkuara. /Telegrafi/
