Qeveria e re serbe, jodemokratik dhe antievropiane!
Gazeta prestigjioze amerikane “The Washington Post”, ka botuar një shkrim të gjatë lidhur me emërimin e Ivica Daçiqit për kryeministër të Serbisë, me titull “Ish-zëdhënësi i Millosheviqit, për kryeministër të ri të Serbisë, përkundër deklaratave proevropiane”.Në këtë shkrim të gjatë analitik, “The Washington Post” citon ministrin e Punëve të Jashtme të Kosovës, Enver Hoxhaj, i cili e përshkruan koalicionin e udhëhequr nga Daçiq, si “antidemokratik dhe anti-evropian” dhe me “rrënje në të kaluarën”.
“Megjithatë, është zgjedhje e qytetarëve serbë”, thotë Hoxhaj.
“Ata duhet të shqetësohen nëse Serbia kthehet në të kaluarën e saj të errët apo zgjedhë të shoh drejt të ardhmes evropiane”, citohet Hoxhaj nga “The Washington Post”.
Ministri i Jashtëm i Kosovës, po ashtu koalicionin e ri në Serbi, e vlerëson si koalicion të luftës, i cili ka udhëhequr luftëra agresive kundër Sllovenisë, Kroacisë, Bosnjës dhe Kosovës. /Telegrafi/
