Rama: Neveri ndaj propagandës së PD-së
Kryetari i Partisë Socialiste Edi Rama ka reaguar sot në lidhje me procesin e diskutimit për heqjen e imunitetit. Në një konferencë për mediat, Rama u shpreh se PS kërkon heqjen e imunitetit, jo me arnimin e Kushtetutës, por me një vizon të qartë. Ai u shpreh se PS nuk është bllokuese e integrimit të vendit.“Jemi përgatitur qartë jo për një arnim të Kushtetutës, por për një vizion të qartë. Si kryetar i PS, ndjej neveri ndaj propagandës së qeverisë. Qeveritarët thonë se ne e paskemi problem heqjen e imunitetit, madje dashkemi të bllokojmë statusin e vendit kandidat. Shqiptarët dhe ndërkombëtarët janë dëshmitarë të asaj që kemi bërë për të sjellë në gjendje normale drafte skandaloze të qeverisë. Të gjithë janë dëshmitarët të qasjes sonë konstruktive për të zgjedhur një president të republikës”, tha Rama, transmeton NOA.
Ai u shpreh se akuzat nuk qëndrojnë në lidhje me bllokomi e integrimit edhe për reformën zgjedhore, pasi PS e votoi atë.
“Ndërkombëtarët janë dëshmitarët dhe për kontributin tonë për reformën zgjedhore. Madje rrezikun marrëdhëniet me aleatë tonë për të bërë një reformë që nuk e preku sistemin zgjedhor”, tha kreu i PS-së. /Telegrafi/
