Rama: PD s’ka vullnet për reformën zgjedhore
Kreu i Partisë Socialiste, Edi Rama, ka thënë se puna për hartimin e reformës zgjedhore duhet të ishte drejt finalizimit.“Qeveria është përgjegjëse për bllokimin e reformës zgjedhore dhe në këtë mënyrë po komprometohet integrimi evropian i vendit”, theksoi Rama.
Kreu i PS-së shtoi se “ka pak vullnet nga Partia Demokratike për të trajtuar siç duhet procesin e reformës zgjedhore”.
“Po luhet me fatin e zgjedhjeve të ardhshme parlamentare”, shtoi Rama.
Pas një mbledhje maratonë që zgjati rreth 5 orë të enjten e 2 shkurtit, komisioni për reformën zgjedhore ka miratuar me konsensus një paketë të dytë amendamentesh, që kanë të bëjnë me përmbushjen e rekomandimeve të ODIHR-it për zgjedhjet.
Ky grup amendamentesh ka të bëjë kryesisht me regjistrimin e kandidatëve në zgjedhjeve, ku më i rëndësishmi është heqja e privilegjit të kryetarëve të partive për të kandiduar në më shumë sesa një zonë zgjedhore. /Telegrafi/
