Rama: Vendimi i Gjykatës për 21 Janarin, vrasja më barbare e drejtësisë

15:15 / 7.02.2013

Kryetari i Partisë Socialiste (PS), Edi Rama e ka cilësuar vendimin e sotëm për pafajësinë e të akuzuarve për 21 Janarin, më barbarin e drejtësisë së post diktaturës. Në një konferencë për shtyp, kryesocialisti Rama akuzoi kryeministrin Berisha se i ka kthyer gjykatësit në gardistë togëzinj që me urdhër nga lart e pushkatojnë në publik drejtësinë njësoj si pushkatoi garda 4 dëshmorët e 21 janarit.

“Nuk jam i befasuar për vendimin. Kohët e fundit pyetjes së partnerëve ndërkombëtarë për 21 Janarin i kam dhënë të njëjtën përgjigje, së shpejti vrasësit do shpallen të pafajshëm, se pafajësia i duhet më shumë se vetë atyre, urdhëruesit të vrasësve, që i ka kthyer gjykatat në ekzekutim për drejtësinë. Pafajësia i duhet atij që pas 23 qershorit do të jetë thjesht dhe vetem kreu i PD përballë një procesi publik transparence për shkeljet e kushtetutës, me pasojë humbje jetësh, grabitje pasurish kombëtare apo zhdukje parash të popullit. Sot nuk pati gjykim, por përqafim mes vrasësve të drejtësisë dhe atyre të 4 protestuesve që donin atdhe të drejtë. Nëse vrasjet e 21 janarit ishin krimi më barbar shtetëror, vendimi i sotëm është vrasja më barbarë e drejtësisë në vend pas rënies së diktaturës”, theksoi Rama.

Ai ka garantuar qytetarët dhe familjarët e viktimave të 21 Janarit se drejtësia do të vihet në vend kur Partia Socialiste të vijë në pushtet pas zgjedhjeve të 23 Qershorit. “Garantoj familjet e viktimave ashtu si edhe vrasësit, se 21 Janari është nga ato ngjarje që historia mëson se as nuk harrohen pa u gjykuar drejtësisht e as nuk mbyllen duke u gjykuar padrejtësisht”, tha Rama.

Sipas Ramës me vendimin e sotëm partnerët ndërkombëtarë të cilët u angazhuan për drejtësinë e 21 Janarit sot ndihen më afër realitetit të një shteti, ku ligjet nuk vlejnë asnjë grosh dhe kultura e pandëshkueshmerisë bën ligjin. /Telegrafi/

Komente

Vërejtje:
Telegrafi ka ofruar gjithmonë hapësirë të lire për komentime dhe për diskutim, me qëllimin e mirë të nxitjes së debateve. Por, për shkak të disa komentuesve të papërgjegjshëm, që keqpërdorin këtë mundësi, kemi vendosur ta ndryshojmë qasjen drejt komentimit të lajmeve. Tash e tutje, komentuesit në rubrikat "Lajme" dhe "Ekonomi", profilin e tyre duhet ta autorizojnë me email valid.

Çdo përdorues, në panelin "Settings" duhet të vendos emailin valid, e pastaj të kërkojë që në atë adresë elektronike t'i dërgohet linku për aprovim. Ky link duhet të klikohet, që të autorizohet profili përmes të cilit mund të komentoni.