Ramush Haradinaj zëvendëskryeministër, me katër ministri për AAK-në?

19:40 / 20.12.2012

Derisa askush nuk ka pikëpyetje nëse koalicioni midis PDK-së dhe AAK-së do të ndodhë, bisedat midis drejtuesve të dy partive kanë arritur deri te ndarja e dikastereve dhe posteve.

“Indeksonline” ka mësuar përmes burimeve të veta që Ramush Haradinaj mund të bëhet zëvendëskryeministër dhe ministër i Punëve të Brendshme. Ndërkaq, pesë zëvendëskryeministrit e tjerë pritet të largohen, me përjashtim të kreut të AKR-së, Behgjet Pacollit.

Kështu, Qeveria pritet t’i ketë vetëm dy zëvendëskryeministra: atë për Punë të Brendshme, Ramush Haradinajn, dhe për Punë të Jashtme - Behgjet Pacollin.

Por, Haradinaj nuk mjaftohet me kaq. Burime e “Indeksonline” kanë bërë të ditur se edhe katër ministri të tjera, dikastere të rëndësishme të qeverisë mund t’i drejtojë AAK-ja: atë të Punëve të Jashtme, të Punëve të Brendshme, të Zhvillimit Ekonomik dhe Ministrinë e Financave. /Telegrafi/

 

Komente

Vërejtje:
Telegrafi ka ofruar gjithmonë hapësirë të lire për komentime dhe për diskutim, me qëllimin e mirë të nxitjes së debateve. Por, për shkak të disa komentuesve të papërgjegjshëm, që keqpërdorin këtë mundësi, kemi vendosur ta ndryshojmë qasjen drejt komentimit të lajmeve. Tash e tutje, komentuesit në rubrikat "Lajme" dhe "Ekonomi", profilin e tyre duhet ta autorizojnë me email valid.

Çdo përdorues, në panelin "Settings" duhet të vendos emailin valid, e pastaj të kërkojë që në atë adresë elektronike t'i dërgohet linku për aprovim. Ky link duhet të klikohet, që të autorizohet profili përmes të cilit mund të komentoni.