RDK garon me Zeqirin për Tetovën?
Deputeti dhe zyrtari i lartë i RDK-së, Izet Zeqiri është një nga opsionet për t`i hyrë garës për komunën e Tetovës në zgjedhjet lokale të vitit 2013. Doktori i shkencave ekonomike është një nga politikanët më aktiv në Parlamentin e Maqedonisë.
Një burim partiak brenda RDK ka theksuar se lidhur me kandidaturat për zgjedhjet lokale të gjitha opsionet dhe kandidaturat janë të hapura.
“Ne si parti kemi një numër të madh të personaliteteve profesionale dhe të dalluara që mund të përfshihen në garën për komunat në Maqedoni. Në këtë drejtim nuk përjashtohet edhe deputeti Zeqiri, i cili është pjesë e analizave kryesore partiake për zgjedhjet 2013”, theksoi për INA, një përfaqësues i lartë i RDK-së.
Dy partitë më të mëdha BDI dhe PDSH kandidaturën e Zeqirit e shohin si një konkurrencë të fortë në komunën më të madhe të shqiptarëve në Maqedoni dhe se votat e RDK-së do të jenë vendimtare për komunën e Tetovës dhe disa komuna tjera. /Telegrafi/
