Remi parashikoi dështimin e koalicionit me AAK-në

16:14 / 4.02.2013

Nënkryetari i partisë në pushtet, Rrustem Mustafa–Remi, ka deklaruar se që nga fillimi kishte qenë i sigurt se nuk do të mund të bëhej marrëveshja e koalicionit me AAK-në. Ai ka deklaruar për Telegrafin se konceptet qeverisëse të dy partive ishin aq të largëta, saqë nuk kishte gjasa që të krijohej një qeveri e përbashkët.

“Ishte e ditur që nuk do të ndodhte, edhe mirë që nuk ndodhi, sepse nuk do të ishte funksional dhe nuk do t’i shërbente interesave të vendit”, ka thënë Mustafa.

Ai ka theksuar se PDK-ja kishte materializuar projektin e vet në kuadër të Ekzekutivit të vendit, dhe nuk kishte mundësi që të transformohej, për të futur edhe konceptin e AAK-së.

Sipas nënkryetarit të PDK-së, deri në zgjedhjet e ardhshme është mirë që të ketë marrëveshje politike, por jo edhe koalicione qeverisëse.

Mustafa ka deklaruar se para afërsisht një viti, ai kishte preferuar koalicionin me LDK-së, për shkak se vlerësonte se do të krijonte stabilitet politik.

Ndërkohë, Mustafa vlerëson se aktualisht skena politike është stabile, ndërsa koalicioni aktual është i qëndrueshëm deri në zgjedhjet e ardhshme.

“Është shumë pozitiv fakti që në zhvillimet politike në vend janë të përfshirë aktivisht strukturat evropiane në krye me Gjermaninë dhe miqtë e përhershëm amerikanë. Historikisht, kjo ka gjeneruar siguri për shqiptarët”, ka thënë Mustafa. /Telegrafi/


 

Komente

Vërejtje:
Telegrafi ka ofruar gjithmonë hapësirë të lire për komentime dhe për diskutim, me qëllimin e mirë të nxitjes së debateve. Por, për shkak të disa komentuesve të papërgjegjshëm, që keqpërdorin këtë mundësi, kemi vendosur ta ndryshojmë qasjen drejt komentimit të lajmeve. Tash e tutje, komentuesit në rubrikat "Lajme" dhe "Ekonomi", profilin e tyre duhet ta autorizojnë me email valid.

Çdo përdorues, në panelin "Settings" duhet të vendos emailin valid, e pastaj të kërkojë që në atë adresë elektronike t'i dërgohet linku për aprovim. Ky link duhet të klikohet, që të autorizohet profili përmes të cilit mund të komentoni.