Replika pas vendimit të gjykatës për reformën shëndetësore
Presidenti i Shteteve të Bashkuara, Barack Obama, tha të enjten se vendimi i Gjykatës Supreme për ta mbështetur Ligjin për reformën e kujdesit shëndetësor, është fitore për popullin amerikan.“Gjykata më e lartë në vend ka folur” tha Obama, duke premtuar zbatimin e ligjit dhe përmirësimin e tij. “Ne do të vazhdojmë implementimin e këtij ligji dhe do të punojmë së bashku për përmirësimin e tij aty ku mundet”.
Obama u shpreh se nuk dëshiron kthim prapa në betejën politike të para dy viteve, sepse sic tha ai, me vendimin e sotëm të gjykatës, është koha që të lëvizet përpara.
Por kandidati i Partisë Republikane për zgjedhjet presidenciale në Shtetet e Bashkuara, Mitt Romney, ka deklaruar se nëse zgjidhet, do të veproj për ta anuluar Ligjin për reforëm shëndetësore.
“Reforma e sistemit shëndetësor ishte politikë e keqe dje dhe është politikë e keqe sot. Ka ardhur koha që Amerika të zgjedhë, dhe për ta ndryshuar ligjin për kujdes shëndetësor, në nëntor duhet ta zëvendësojmë presidentin Obama”, tha Romney. /Telegrafi/
