Rexhepi: KFOR-i të punojë më shumë në veri
Ministri i Punëve të Brendshme, Bajram Rexhepi ka theksuar sot se komandanti i KFOR-it, Erhard Drews nuk duhet t’i merr personale kritikat që drejtohen ndaj KFOR-it, por të punojë më shumë për të hequr barrikadat nga veriu i Kosovës.Sipas Rexhepit, KFOR-i ka mundur ta bëjë këtë edhe shumë më herët.
Nga ana tjetër, edhe kryetari i Komunës së Mitrovicës, Avni Kastrati ka thënë se nuk do të rresht së kërkuari nga KFOR-i heqjen e barrikadave, raporton Dukagjini.com.
Rexhepi ka thënë se barrikadat e tjera janë larguar por ka mbetur vetëm kjo mbi lumin Ibër, që, sipas tij, mund ta largojnë për dy orë, por po analizojnë situatën që të mos ketë tensione dhe dhunë.
“Fizikisht barrikadat mund të hiqen shumë shpejtë për një orë ose dy. Është çështja që të mos shkaktohen tensione dhe dhunë. Në atë drejtim kalkulohet, përndryshe fizikisht shumë shpejtë hiqen pa ndonjë problemë”, ka thënë ai. /Telegrafi/
