Rojet studentëve: “A jeni normalë a lopë”!?
Studentët e Universitetit të Prishtinës presin me orë të tëra pranë administratës për të kryer shërbimet studentore. Një fat të tillë kanë edhe të sapo diplomuarit, të cilëve iu përplasët dera. Madje, ndaj tyre thuhen edhe fjalë fyese.Sipas një videoje të siguruar nga Kosovapressi, radha e studentëve që presin para administratës për të marrë diplomat e studimit, por edhe certifikatat dhe shërbime tjera, është shumë e gjatë, kurse orari në këtë administratë është shumë i shkurtër.
Ata punojnë nga ora 09.00 deri në 12.00, e pastaj pushojnë dy orë, për tu kthyer në 14.00 dhe vazhdojnë punën deri në ora 15.00.
Në video, po ashtu, shohim një pjesëtar sigurimi i cili mbyllë derën, duke pyetur studentët se a janë “normal dhe a janë lopë apo çka janë”. /Telegrafi/
