Rokadë në Policinë e Tiranës
Një rokadë ka ndodhur mesditën e sotme në postet e Drejtorisë së Policisë së Tiranës, ku kreu i saj, Saimir Muça, është zëvendësuar nga Bernard Çaushaj, i cili deri në këto momente ishte drejtuesi i policisë së Korçës. Muça tash e tutje do të jetë Kancelar i Akademisë së Rendit.Sipas të dhënave paraprake, thuhet se shkak për këtë rokadë janë bërë dy vrasjet e dy ditëve më parë në kryeqytet, ku ngeli e vrarë laborantja Eleni Basho dhe 25 vjeçarja Megi Jokiçi.
Nga postet e nëndrejtorëve të Policisë së Tiranës janë shkarkuar edhe Dorian Muça, i cili është bërë shef i sektorit të Pastrimit të Parave, si dhe Gjergji Jorgo, i cili ka kaluar në Drejtorinë e Forcës Lëvizëse Operacionale.
Dy zëvendësit e Muçës do të zëvendësohen nga Arjan Kurti dhe Gazmend Hamitaj. Ndërsa, në krye të Policisë së Korçës tashmë është emëruar Ylli Metko. /Telegrafi/
