Rrahje masive në Therandë, arrestohen 12 të dyshuar

Në njoftimin e policisë thuhet se tash për tash, policia nuk ka informacione të konfirmuara se si ka ardhur gjerë të pjesëmarrja në rrahje.

“Në orët e pasdites, në rrugën ‘Skënderbeu’ në Therandë, ka ndodhur një mosmarrëveshje në mes fqinjëve, e cila ka eskaluar në rrahje masive ku janë përdorë mjete të forta dhe mjete të mprehta që për pasojë ka pasur tetë persona që kanë kërkuar ndihmë mjekësore. Prej tyre, dy janë dërguar në QKUK për shkak të natyrës së lëndimeve (njëri më vonë është liruar) ndërsa tre të tjerë mbesin në Spitalin Rajonal të Prizrenit”, ka thënë zëdhënësi rajonal i policisë, Hazir Berisha, duke shtuar se patrulla policore, policë hetues dhe Njësiti special operativ kanë dalë në vendin ngjarjes dhe kanë arrestuar 16 të dyshuar, njofton “Zëri”.

“Më vonë, me urdhër të prokurorit, katër persona janë liruar ndërsa 12 të tjerët janë ndaluar nën masën e arrestit policor”, ka theksuar toger Berisha, sipas të cilit gjatë bastisjeve që ka kryer policia, janë sekuestruar pesë pushkë gjuetie të kalibrit 16 mm, prej tyre tri të prodhimit rus një jugosllave dhe një turke. Janë sekuestruar edhe 79 fishekë të pushkës së gjuetisë”. /Telegrafi/