Rrahje mes shqiptarëve në Kumanovë, dy veta në rrezik
Rrahje e përgjakur ndërmjet kumanovarëve Bejtin S. (20), Ramadan M. (16), Shukri I. (22), Riad S. dhe Abdylaziz J., ka ndodhur mbrëmë para shkollës ekonomike në Bedinjë. Të rinjtë kumanovarë kanë filluar konfrontimin verbal, por pak kohë më vonë kanë filluar fizikisht të rrihen. Njëri prej pjesëmarrësve në këtë rrahje e ka nxjerrë thikën dhe ka sulmuar Bejtin S. dhe Ramadan M.
Të dy djemtë kanë marrë lëndime serioze nëpër trup dhe janë dërguar në Qendrën Urgjente në Shkup, raporton Zhurnal.
Dy djelmoshat vazhdojnë të jenë në gjendje kritike dhe po luftojnë për jetën. /Telegrafi/
