Rrezikohet liria e medias në Maqedoni

17:32 / 30.01.2013

Maqedonia ka shënuar rënie për 22 vende dhe gjendet në vendin e 116 sa i përket indeksit së lirisë së mediave.

Kjo bëhet e ditur në raportin e fundit të organizatës ndërkombëtare “Reporterët pa kufij”. Sipas raportit, gjatë tre viteve të fundit, Maqedonia ka shënuar rënie për 82 vende, derisa në vitin 2009 gjendej në vendin e 34 sa i përket lirisë së medias.

Në raport si shkas për rënien theksohet gjendja e renduar e ambientit mediatik ku punojnë gazetarët dhe se kjo gjendje është më e përkeqësuar në Maqedoni.

“Shqipëria, Mali i Zi dhe sidomos Maqedonia tregojnë fotografinë e dhimbshme të mediave në Ballkan. Nuk ka qasje të lirë në informata, dhunë fizike dhe psikike ndaj punëtorëve të medias si dhe qasja e keqpërdorimit të gjyqësorit në raport me gazetarët dhe mediat”, thekson raporti.

Sipas “Reporterëve pa kufij”, Parlamenti i Maqedonisë po përgatitet për të ‘legalizuar censurën”. Sipas indeksit të publikuar, Finlanda, Holanda dhe Norvegjia janë tre vendet me respekt dhe liri të gjërë të medias, derisa vendet e fundit janë Turkmenistani, Korea e Veriut dhe Eritrea, ku mbizotërojnë regjimet diktatoriale. /Telegrafi/
 

Komente

Vërejtje:
Telegrafi ka ofruar gjithmonë hapësirë të lire për komentime dhe për diskutim, me qëllimin e mirë të nxitjes së debateve. Por, për shkak të disa komentuesve të papërgjegjshëm, që keqpërdorin këtë mundësi, kemi vendosur ta ndryshojmë qasjen drejt komentimit të lajmeve. Tash e tutje, komentuesit në rubrikat "Lajme" dhe "Ekonomi", profilin e tyre duhet ta autorizojnë me email valid.

Çdo përdorues, në panelin "Settings" duhet të vendos emailin valid, e pastaj të kërkojë që në atë adresë elektronike t'i dërgohet linku për aprovim. Ky link duhet të klikohet, që të autorizohet profili përmes të cilit mund të komentoni.