Rusia rikthehet në epokën “sovjetike”

21:57 / 31.01.2013

Presidenti i Rusisë, Vladimir Putin, ka rikthyer erën e epokës sovjetike në vend, vlerësoi një grup i të drejtave të njeriut.

Sipas “Human Rights Watch”, shtypja e protestave dhe ligjet e debatueshme të miratuara nga Putini përbëjnë shkeljen më flagrante të të drejtave të njeriut që prej rënies së Bashkimit Sovjetik.

Për “HRW”, është frika e Putinit nga protestat masive ajo që ka motivuar disa ligje që kufizojnë të drejtën e manifestimeve, duke kërcënuar me burg këdo që merr pjesë në protesta, për të cilat nuk është dhënë leja paraprake nga autoritetet, transmeton TCH.

Në bazë të këtij ligji, disa përfaqësues të opozitës përballen tashmë me gjoba apo mundësinë e burgosjes.

Një tjetër ligj i debatuar ishte ai që lejon Moskën të censurojë pjesërisht publikimet e shtypit vendas.

Moska nuk ka reaguar ende zyrtarisht ndaj komenteve të “Human Rights Watch”.

Megjithatë, një zëdhënës u shpreh se “situata e të drejtave të njeriut në Rusi nuk është ndër më të këqijat”, ndërsa shtoi se hartuesit e këtij raporti, SHBA dhe vendet e BE-së, duhet të adresojnë më parë “shkeljet e shumta” që ndodhin brenda vendeve të tyre. /Telegrafi/
 

Komente

Vërejtje:
Telegrafi ka ofruar gjithmonë hapësirë të lire për komentime dhe për diskutim, me qëllimin e mirë të nxitjes së debateve. Por, për shkak të disa komentuesve të papërgjegjshëm, që keqpërdorin këtë mundësi, kemi vendosur ta ndryshojmë qasjen drejt komentimit të lajmeve. Tash e tutje, komentuesit në rubrikat "Lajme" dhe "Ekonomi", profilin e tyre duhet ta autorizojnë me email valid.

Çdo përdorues, në panelin "Settings" duhet të vendos emailin valid, e pastaj të kërkojë që në atë adresë elektronike t'i dërgohet linku për aprovim. Ky link duhet të klikohet, që të autorizohet profili përmes të cilit mund të komentoni.