Selimi: Në veri po instalohet Serbia e vogël

17:17 / 19.01.2013

Deputeti i Kuvendit të Kosovës nga Vetëvendosje, Rexhep Selimi, në dy tubime të mbajtura sot në Prizren, ka vlerësuar se negociatat për normalizimin e marrëdhënieve me Serbinë, pa asnjë kusht paraprak, janë të padrejta dhe absurde.

“Derisa Kosova do të qeveriset nga një qeveri e tillë, Serbia do të vazhdojë të na marrë dheun ndër këmbë. Falë paaftësisë së kësaj qeverie, në veri të vendit po na instalohet një Serbi e vogël, e cila në vazhdimësi do ta kërcënojë sigurinë dhe stabilitetin e vendit tonë”, tha Selimi raporton Prizrenpress.

Lëvizjes Vetëvendosje në Prizren, mbajti dy tubime publike me banorët e fshatit Malësi e Vrrinit dhe banorët e lagjes “Tusuz”.

Deputeti Selimi, duke folur për situatën aktuale politike dhe në veçanti për negociatat e kryeministrit Thaçi me kryeministrin e Serbisë Dacic, theksoi se vendi ka arritur në një situatë ku nuk mund të shpëtohet edhe Qeveria edhe Kosova.

“Njëra do ta pësoj. Se kush do ta pësoj, kjo do të varet nga përcaktimi i qytetarëve. Prandaj, tash më shumë së kurrë, një mobilizim i përgjithshëm qytetarë kundër negociatave me Serbinë është i domosdoshëm”, tha Selimi. /Telegrafi/
 

Komente

Vërejtje:
Telegrafi ka ofruar gjithmonë hapësirë të lire për komentime dhe për diskutim, me qëllimin e mirë të nxitjes së debateve. Por, për shkak të disa komentuesve të papërgjegjshëm, që keqpërdorin këtë mundësi, kemi vendosur ta ndryshojmë qasjen drejt komentimit të lajmeve. Tash e tutje, komentuesit në rubrikat "Lajme" dhe "Ekonomi", profilin e tyre duhet ta autorizojnë me email valid.

Çdo përdorues, në panelin "Settings" duhet të vendos emailin valid, e pastaj të kërkojë që në atë adresë elektronike t'i dërgohet linku për aprovim. Ky link duhet të klikohet, që të autorizohet profili përmes të cilit mund të komentoni.