Selmanaj apelon: Të gjithë kundër “ligjeve të Milosevicit”!

16:29 / 10.01.2013

Kryetari i Deçanit, Rasim Selmanaj, ka marrë pjesë personalisht në protestën e organizuar sot në këtë qytezë kundër vendimit të Gjykatës Supreme të Republikës së Kosovës për çështjen e dy pronave shoqërore, të cilat pritet t’i jepen Manastirit të Deçanit. Ai ka deklaruar për Telegrafin, se pas kësaj proteste, institucionet qendrore, Kuvendi, Qeveria e gjykatat, duhet të reflektojnë dhe t’i japin fund aplikimit të vendimeve të kohës së Milosevicit.

“Deri tash përfaqësuesit këtyre institucioneve të cilave u jemi drejtuar nuk kanë reflektuar pozitivisht. Por, besoj që pas protestës dhe shprehjes së pakënaqësisë qytetare, do të ketë hapa pozitivë për të ndalur shkeljen e ligjit”, ka thënë Selmanaj.

Ai ka deklaruar se nuk duhet harruar se UNMIK-u i kishte shpallur të pavlefshme ligjet e aplikuara gjatë kohës së Milosevicit, ndërsa edhe në rastin e Ndërmarrjes Bletare “Apiko” dhe Ndërmarrjes Hoteliere “Iliria”, vendimi është marrë në vitin 1997.

Kjo çështje tashmë është dërguar edhe në Gjykatën Kushtetuese të Kosovës.

Në protestën e mbajtur në Deçan morën pjesë mbi 1300 qytetarë. Pjesëmarrës ishte edhe Albin Kurti, lider i Lëvizjes Vetëvendosje. Protesta u zhvillua e qetë dhe pa incidente. /Telegrafi/

 

Komente

Vërejtje:
Telegrafi ka ofruar gjithmonë hapësirë të lire për komentime dhe për diskutim, me qëllimin e mirë të nxitjes së debateve. Por, për shkak të disa komentuesve të papërgjegjshëm, që keqpërdorin këtë mundësi, kemi vendosur ta ndryshojmë qasjen drejt komentimit të lajmeve. Tash e tutje, komentuesit në rubrikat "Lajme" dhe "Ekonomi", profilin e tyre duhet ta autorizojnë me email valid.

Çdo përdorues, në panelin "Settings" duhet të vendos emailin valid, e pastaj të kërkojë që në atë adresë elektronike t'i dërgohet linku për aprovim. Ky link duhet të klikohet, që të autorizohet profili përmes të cilit mund të komentoni.