Serbia, në gusht me konsensus për Kosovën
Kryetari i Serbisë dhe figurat kyçe të Qeverisë bashkë me përfaqësuesit e të gjitha partive parlamentare serbe gjatë muajit gusht do të mblidhen për të biseduar se çfarë duhet bërë lidhur me çështjen e Kosovës, kështu ka thënë ministri serb i Mbrojtjes, Aleksandar Vucic."Jam i bindur se konsensusi kombëtar që do ta arrinim është emëruesi kryesor për të gjithë ne që do të bisedonim për ardhmen e Kosovës", ka thënë Vucic, gjatë qëndrimit në selinë e Shtabit të Përgjithshëm të US-së, transmetojnë mediat serbe.
Ai ka thënë se pas kësaj vjen “muaji i nxehtë shtatori”, gjatë të cilit pritet vazhdimi i dialogut me Kosovën, duke shtuar se Serbia do t’iu nënshtrohet presioneve më të mëdha se kurrë deri më tash. /Telegrafi/
