Serbia të ketë marrëdhënie të mira me Kosovën
Ndihmës-sekretari amerikan i Shtetit, Philip Gordon, mohoi pohimet se qeveria e tij ndikon në formimin e qeverisë së Serbisë."Ne nuk jemi ata që mund të diktojnë në formimin e qeverisë së re në Serbi", tha ai gjatë Samitit të Kroacisë, transmeton HRT.
Gordon pas Samitit do të udhëtojë në Beograd. Diplomati amerikan ka thënë se dëshiron ta dërgojë “mesazhin se SHBA-të e duan Serbinë në rrugën e saj evropiane, në rrugën e zhvillimit ekonomik".
"Por, për ta mbajtur Serbia kursin e mirë, është e rëndësishme që të ketë marrëdhënie të mira me fqinjët, veçanërisht me Kosovën", tha Gordon. /Telegrafi/
