Sërish kolona të gjata në Merdare
Policia e Kosovës ka njoftuar se në pikëkalimin kufitar Kosovë-Serbi, në Merdare, sërish janë krijuar kolonat dhe pritjet të gjata, si pasojë neglizhencës së autoriteteve serbe.“Pritjet janë duke u bërë me orë të tëra nga të dyja anët. Nga Kosova për në Serbi, në territorin tonë, kolonat janë të gjata diku nga 200-300 metra, me pritje që zgjasin me nga 2-3 orë. Ndërsa, në hyrje, sipas qytetarëve, po ashtu kolonat janë të gjata dhe pritet me orë të tëra”, thuhet në komunikatë.
Sipas policisë, në bazë të informacioneve jozyrtare të pranuara nga qytetarët, e gjithë kjo pritje është pasojë e punës së ngadalshme dhe neglizhencës së autoriteteve serbe, transmeton KP.
Policia e Kosovës sugjeron të gjithë qytetarët që mundësisht të shfrytëzojnë pikëkalimet tjera kufitare, me qëllim të shmangies së pritjeve të gjata të krijuara në Merdare. /Telegrafi/
