Sërish zjarre në bjeshkët e Deçanit
Zjarret janë rishfaqur sot në bjeshkët e Deçanit, të cilët po shkatërrojnë pasurinë natyrore të kësaj komune me hektar të tërë. Që nga orët e para të mëngjesit në disa pjesë të bjeshkëve të Deçanit serish janë kapluar nga zjarret, ka bërë të ditur komandanti i zjarrfikësve, Besim Selmanaj. Sipas tij, në bjeshkën e “Bellesë’’, zjarret nuk kanë të ndalur.Hektarë të tërë janë djegur në ato pjesë shkëmbore ku nuk arrihet dot që ekipet e zjarrfikësve të depërtojnë për shuarjen e zjarrit ngase vet pozita e kësaj bjeshkë nuk lejon një intervenim të tillë vetëm nëse intervenohet nga ajri ndërsa ekipet e zjarrfikësve nuk kanë mundësi sepse nuk posedojnë pajisje për këtë zonë të thepisura”, njofton Komuna e Deçanit.
Zjarret sot kanë përfshi edhe bjeshkët e Lebushës dhe një pjesë të bjeshkëve të Strellcit. Sipas Drejtorit të Drejtorisë së Shërbimeve publike, Admir Hasanaj, që nga mëngjesi e deri më tani në këto pjesë të këtyre bjeshkëve janë djegur mbi 50 hektar male ndërsa në këtë anë janë mobilizuar vet banorët ku më sukses kanë arritur që të bëjnë lokalizimin e këtij zjarri ani pse më dëme jashtëzakonisht të mëdha.
Njëkohësisht, po sot, nga shefi i zjarrfikësve, bëhet e ditur se aksidentalisht kishte ndodhur një zjarr fushorë në fshatin Carrabreg konkretisht në lagjen e Ramosajve, ku janë djegur disa hektarë më hamullorë dhe është dashtë që të intervenohet nga zjarrfikësit e Deçanit sepse kishte rreziku jetën e banorëve të kësaj lagjeje, transmeton RTK.
Selmanaj apelon tek qytetaret që të jen të kujdesshëm sidomos ata të cilët frekuentojnë bjeshkët dhe janë duhanpirës në hedhjen e shpuzës së cigares po ashtu të jen të kujdesshëm në ndezjen e zjarreve, sepse një shkëndijë sado e vogël mjafton për të shkaktuar një zjarre i cili më ditë të tëra nuk mund të ndalet. /Telegrafi/
