Serwer: Beogradi të pranojë kufijtë e Kosovës

“Presidenti Nikolic ka thënë se ai kurrë nuk do të jetë president në Prishtinë. Pranimi publik i këtij fakti është një hap i dobishëm, edhe nëse ai nuk është krejtësisht i mjaftueshëm për të zgjidhur çështjet siç është veriu i Kosovës”, ka thënë Serwer.

Ai vlerëson se nuk është e mundur koekzistenca paqësore në baza të shëndosha në qoftë se Serbia vazhdon të ushqejë pretendime territoriale ndaj Kosovës.

“Beogradi duhet ta pranojë faktin se Kosova është një entitet i veçantë politik brenda kufijve të njohur. Deri te normalizimi mund të vijë vetëm nëse njihet aspekti territorial, si një pjesë fundamentale e sovranitetit”, tha ai.

Serwer gjithashtu mendon se duhet pasur të qartë se çkado që do të kërkojnë serbët në veri të Kosovës, të njëjtën do ta kërkojnë shqiptarët brenda territorit të Serbisë.

Ai gjithashtu ka thënë se serbët e veriut mund të kërkojnë atë që shqiptarët tashmë e kanë fituar: Pavarësinë. “Por, askush nuk do ta pranojë veriun e Kosovës si një shtet i pavarur dhe çdo përpjekje aneksimit të veriut të Kosovës nga Serbia do të thoshte përfundimin e shpresës së Beogradit për anëtarësim në BE”.

Duke folur për dialogun e ardhshëm politik, Serwer vlerëson se “temë kryesore do të jetë mënyra se si Beogradi synon që praninë e saj në veri ta nxjerr në përputhje me Rezolutën 1244, të cilën rezolutë, me praninë zyrtare në atë territor,  Qeveria serbe e shkel çdo ditë”.

Përveç kësaj, Serwer parashikon diskutim se si do të zbatohet plani i Ahtisaarit në veri, duke përfshirë edhe arritjen e marrëveshjeve të tjera të nevojshme për zbatimin e tij.

Ai tha se kur të përfundojnë bisedimet e ka vështirë të ekzistimin e pengesave për njohjen e Kosovës nga pesë vendet e mbetura anëtare të BE-së dhe pranimin serb për anëtarësimin e Kosovës në Organizatën e Kombeve të Bashkuara. /Telegrafi/