SHBA paralajmëron Korenë e Veriut

13:53 / 4.02.2013

Shtetet e Bashkuara i dërguan Koresë së Veriut një paralajmërim të qartë për t'i dhënë fund lëvizjeve të saj provokuese.

Washingtonit, me sa duket po i soset durimi me vendin komunist, lideri i të cilit deklaroi vetëm një ditë më parë se ka marrë një vendim shumë të rëndësishëm, i cili do ta forcojë Korenë e Veriut akoma më shumë.

Deklarata e shkurtër e përcjellë nga agjencia shtetërore e lajmeve KCNA nuk përmbante asnjë detaj, vetëm sqaronte se vendimi ishte marre gjatë një takimi të komitetit qendror ushtarak të partisë, transmeton Tch.

Koreja e Jugut po i ndjek me shqetësim zhvillimet në shtetin fqinjë.

Presidenti Lee Myung -bak i kërkoi qeverisë së vet të jetë e përgatitur për një test të mundshëm bërthamor. Lee madje ka vizituar një bunker në zonën e çmilitarizuar mes dy vendeve, i cili shërben si qendër krizash për Korenë e Jugut.

Zyrtarë amerikanë pohuan për CNN javën e kaluar se shteti komunist mund të jetë gati në çdo moment për një tjetër test bërthamor. /Telegrafi/
 

Komente

Vërejtje:
Telegrafi ka ofruar gjithmonë hapësirë të lire për komentime dhe për diskutim, me qëllimin e mirë të nxitjes së debateve. Por, për shkak të disa komentuesve të papërgjegjshëm, që keqpërdorin këtë mundësi, kemi vendosur ta ndryshojmë qasjen drejt komentimit të lajmeve. Tash e tutje, komentuesit në rubrikat "Lajme" dhe "Ekonomi", profilin e tyre duhet ta autorizojnë me email valid.

Çdo përdorues, në panelin "Settings" duhet të vendos emailin valid, e pastaj të kërkojë që në atë adresë elektronike t'i dërgohet linku për aprovim. Ky link duhet të klikohet, që të autorizohet profili përmes të cilit mund të komentoni.