SHBA, stuhia Isaac mund të shkaktojë viktima

20:24 / 27.08.2012

Zyrtarët federalë të emergjencës në SHBA kanë tërhequr vërejtjen se stuhia tropikale Isaac paraqet rrezik për jetë dhe me gjasë do të shkaktojë dëme të gjëra kur të arrijë në Gjirin Bregdetar amerikan.

Sipas tyre, kjo shtrëngatë mund të prodhojë valë me lartësi dy e deri në katër metra përgjatë bregdetit dhe reshjet e mëdha mund të çojnë në dëme të gjëra në brendësi.

Guvernatorët e Luizianës, Misisipit dhe Alabamës, të dielën kanë shpallur gjendje të jashtëzakonshme, derisa Florida, që gjendje të këtillë ka shpallur një ditë më herët, ishte përfshirë nga të reshurat e mëdha dhe erërat e fuqishme. Kjo stuhi pritet ta godasë Gjirin Bregdetar amerikan të martën vonë ose të mërkurën në mëngjes.

Në Karaibe uragani ka bërë kërdi. Në Haiti kanë humbur jetën gjashtë vetë, ndërsa në Kubë ka pasur vërshime. /Telegrafi/

Komente

Vërejtje:
Telegrafi ka ofruar gjithmonë hapësirë të lire për komentime dhe për diskutim, me qëllimin e mirë të nxitjes së debateve. Por, për shkak të disa komentuesve të papërgjegjshëm, që keqpërdorin këtë mundësi, kemi vendosur ta ndryshojmë qasjen drejt komentimit të lajmeve. Tash e tutje, komentuesit në rubrikat "Lajme" dhe "Ekonomi", profilin e tyre duhet ta autorizojnë me email valid.

Çdo përdorues, në panelin "Settings" duhet të vendos emailin valid, e pastaj të kërkojë që në atë adresë elektronike t'i dërgohet linku për aprovim. Ky link duhet të klikohet, që të autorizohet profili përmes të cilit mund të komentoni.