Shërbimi sekret rus: al-Qaeda po vë zjarret në Evropë
Shërbimi sekret rus pretendon se al-Qaeda qëndron pas valës së fundit të zjarreve nëpër Evropë. Ky pretendim vjen pas një vere të mbushur me zjarre anembanë Evropës.Vetëm javën e shkuar një zjarr në lindje të Spanjës detyroi dymijë banorë që të evakuohen. Në Portugali e Spanjë mijëra banorë janë larguar nga banesat e tyre, ndërkohë që dhjetëra njerëz gjetën vdekjen.
“Telegraph” raporton se paralajmërimi është dhënë gjatë një takimi të krerëve të agjencive të sigurisë nga drejtori i Shërbimit Federal të Sigurisë (ish- KGB), Alexander Bortnikov.
“Duhet theksuar se vendosja e zjarreve në pyjet e Evropës është strategjia e re e al-Qaedas, për të shkaktuar dëme ekonomike dhe morale”.
Në maj, al-Qaeda u bëri thirrje mbështetësve të saj që të vendosin zjarre masive në pyjet e Shteteve të Bashkuara të Amerikës. Thirrja u bë publike në një revistë të quajtur “Inspire”. /Telegrafi/
