Shkup, arrestohen dy vëllezër, trafikonin drogë
Dy vëllezër nga Shkupi janë arrestuar pasi që tek ta u gjet një sasi droge prej 1,3 kilogram heroinë. Policia ka publikuar vetëm inicialet e tyre A. S. 24 vjeç dhe A. A. 20 vjeç, të dy nga Hasanbegu i Shkupit. Pas informacioneve paraprake, policia në orët e hershme të mëngjesit ka ndërhyrë në shtëpinë e tyre, duke gjetur sasinë e drogës të paketuar në disa qese najloni.
Dy vëllezërit kanë pranuar para autoriteteve policore se drogën e kishin siguruar nga një person nga Shkupi dhe ata ishin angazhuar për ta transportuar në Austri për vetëm 1.500 euro, transmeton INA.
Prokuroria e Shkupit ndaj tyre ka ngritur kallëzimin penal për kryerjen e veprës trafikim dhe prodhim të paligjshëm të lëndëve narkotike. Gjatë kontrollit tek ta u gjet edhe një pistoletë e tipit “Zastava Magnum”. /Telegrafi/
