Shkupi diskriminon bullgarët e deklaruar
Evrodeptueti bullgar, Andrej Kovacev, ka deklaruar se në Bullgari nuk ka dhe nuk ka pasur asnjëherë minoritet të ashtuquajtur maqedonas.“Jo nuk ka minoritet të tillë dhe se sa herë dëshironi të ju përgjigjem. Në Bullgari nuk ka ndonjë pakicë të tillë", ka deklaruar evrodeputeti Kovaçev i pyetur nga mediat maqedonase, raporton Ina.
Ai ka theksuar se politikat qeveritare në Maqedoni janë diskriminuese ndaj atyre që deklarohen bullgarë.
“Me këto sjellje, Maqedonia sigurisht që do të ketë raporte të këqija në përpjekjet e saj evrointegruese”, deklaroi evrodeputeti bullgar.
Ai theksoi se nuk dëshiron që të ketë raporte negative për Maqedoninë, por sipas tij, nuk mund të heshtet për politikat diskriminuese që autoritetet ushtrojnë ndaj atyre që deklarohen bullgar. /Telegrafi/
