Shkupi të heq dorë nga interpretimet e historisë
Ministri i Jashtëm i Bullgarisë, Nikolay Mladenov ka thënë se interpretimet politike të historisë nga ana e palës maqedonase duhet t’i mbesin të kaluarës.Ai këtë e ka theksuar përmes një telegram urimi për homologun e tij maqedonas, Nikolla Popovski me rastin e festës shtetërore 2 Gushti – Dita e Republikës në Maqedoni.
“T`ia lëmë të kaluarës interpretimet politike të historisë dhe të lejojmë që shoqëritë tona t’i bashkëngjiten vlerave euroatlantike të lirisë, të drejtave të njeriut, demokracisë dhe sundimit të së drejtës. Unë mendoj se kjo është mënyra e vetme për të arritur mirëqenien ekonomike që e dëshirojmë”, ka deklaruar shefi i diplomacisë bullgare, Mladenov, njofton Ina.
Siç bëhet e ditur, Mladenov ka nënvizuar se edhe Maqedonia por edhe Bullgaria festojnë Ilindenin dhe kryengritjen e vitit 1903 në Krushevë. /Telegrafi/
