Shqipëria ka 2.82 milionë banorë
Ministri i Inovacionit Genc Pollo ka publikuar të enjten të dhënat zyrtare të censusit të popullsisë duke theksuar se vendi ynë ka 2.82 milionë banorë, një ulje e popullsisë që ka të bëjë me rritjen e emigracionit.Gjithashtu sipas ministrit Pollo pyetjes në formularin e censusit që lidhet me kombësinë i janë përgjigjur si shqiptarë 83 për qind e të pyeturve duke mos pasur supriza sa i përket përkatësisë etnike.
“14 për qind e tyre nuk kanë preferuar të deklarohen ndërsa 99 për qind e të pyeturve e deklarojnë shqipen gjuhën e nënës”, tha ministri Pollo.
Të dhënat për besimin fetar të shqiptarëve të mbledhura nga censusi tregojnë se 56.7 për qind janë deklaruar si myslimanë, 10.3 për qind katolikë, 6.75 për qind ortodoksë dhe 2.90 për qind bektashinj.
Një e dhënë tjetër interesante lidhet me përkatësinë etnike në Shqipëri për të cilin ka patur debate të vazhdueshme. 0.87 për qind është numri atyre që e kanë deklaruar kombësinë si greke ndërsa 0.2 për qind janë deklaruar me kombësi maqedonase, 0.87 për qind grekë dhe 0.30 për qind romë. /Telegrafi/
