Shqipëria ngrin javën e ardhshme
I ftohti që ka pushtuar gjithë Evropën do të mbërthejë gjithë Shqipërinë duke nisur nga dita e diel. Meteorologia Rezarta Xhakollari sqaron se ditën e diel pritet që temperaturat të pësojnë një ulje të ndjeshme të cilat do të shoqërohen me reshje dëbore dhe shiu.Por ditën e martë dhe të mërkurë termometri do të zbresë në vlera negative në të gjithë vendin. Në zonat veriore reshjet e dëborës do të vijojnë dhe pritet që këto reshje të përfshijnë gjithë Shqipërinë. Pas të mërkurës pritet të ketë ndërprerje të reshjeve.
Ndërkohë, situata në akset rrugore të vendit vazhdon të mbetet e rënduar, për shkak të reshjeve të dendura të dëborës që kanë vazhduar edhe në mbrëmjen e kaluar, pavarësisht se me më pak intensitet se ditët e mëparshme. /TCH/Telegrafi/
