Shqipëria ratifikon tri marrëveshjet me Kosovën
Kuvendi i Shqipërisë ka miratuar sot marrëveshjen dypalëshe me Kosovën "për ndihmë të ndërsjellë juridike në çështjet penale", e cila synon forcimin e bashkëpunimit në çështjet penale mes dy vendeve, në luftën kundër krimit Marrëveshja tjetër mes qeverisë shqiptare dhe asaj të Kosovës "për transferimin e personave të dënuar", synon mundësimin e vuajtjes së dënimit të personave të dënuar në vendin e origjinës, transmeton BW.
Ndërsa, marrëveshja e tretë "Për ekstradimin", synon nxitjen e bashkëpunimit gjyqësor në çështjet penale, në frymën e respektit reciprok, për parimin e sovranitetit dhe barazisë së të drejtave, si dhe kontribuon në zhvillimin dhe forcimin e bashkëpunimit efektiv ndërkombëtar në luftën kundër krimit, duke lehtësuar procedurat e ekstradimit në shkallën më të lartë të mundshme. /Telegrafi/
