Shtyhet sërish rasti ndaj Tymoshenkos
Sërish është shtyrë procesi gjyqësor mbi evazionin fiskal kundër ish kryeministres ukrainase, Yulia Tymoshenko. Ish kryeministrja ukrainase që po e vuan dënimin shtatë-vjeçar në një rast tjetër të abuzimit të detyrës zyrtare, iu ka kërkuar autoriteteve që t’ia lejojnë shmangien nga procesi për shkaqe shëndetësore, njoftojnë mediat.
Prokurorët iu propozuan të martën gjykatësve që Tymoshenko të lejohet të marrë pjesë në proces përmes një vdeo-linku.
Por, avokatët e Tymoshenkos hodhën poshtë idenë. Gjykatësi Konstantin Sadivski tha se duhet më shumë kohë për të vendosur për këtë çështje dhe ka caktuar seancën tjetër dëgjimore me 14 gusht.
Kjo është hera e dytë që shtyhet procesi gjyqësor. /Telegrafi/
