Siri, mbi 50 të vrarë dhe dhjetra të plagosur
Një grup sirian i të drejtave të njeriut njoftoi të enjten se nga një shpërthim në Sirinë verilindore janë vrarë më shumë se 50 njerëz, ndërsa dhjetra të tjerë janë plagosur.Shpërthimi ndodhi kur një sulm ajror goditi një stacion karburanti në provincën al-Raka, raporton VoA.
Ndërkohë televizioni shtetëror sirian njoftoi se një helicopter ushtarak që u përplas në afërsi të Damaskut goditi bishtin e një avioni pasagjerësh në ajër. Thuhet se avioni u ul pa problem në aeroportin ndërkombëtar të Damaskut me 200 pasagjerë në bord.
Aktivistët e opozitës thanë se ishin ata që rrëzuan helikopterin. Luftëtarët kanë pretenduar të kenë rrëzuar helikopterë të tjerë më pare, përfshi muajin e kaluar në Damask. /Telegrafi/
